Kaixo!
Oraingo honetan ez nator nire hitzekin. Lagun baten blogetik jaso dut poema hau, eta zuei gomendatzea pentsatu dut. Bloga 27zapata da eta egilea Epelde. Gauza askoren inguruan jarduten du: bertsolaritza, literatura, Bbizitza (letra larriz eta ttikiz)… Niri, gehiena, komuneko papereko poesiak gustatzen zaizkit.
zaapta parea
Ea gustatzen zaizuen. Kontatuko didazue!

Eguzkiak kulero zikinak erantzi zituen

Eguzkiak kulero zikinak erantzi zituen

eta ilargi muturrean zintzilikatu.

Gereziek hartu zituzten kaleak orduan

bals baten erritmora.

Udareak suizidatu egin ziren dantzatzen ez zekitelako

eta laranjek,

iraultza,

iraultza aldarrikatuz marrubizko barrikadak muntatu zituzten

zuku makinen kontra.

Bazen platano eta meloiak larrutan harrapatu zituenik,

edo behatza sartzen kiwiak.

Autopistetan sagarrek egiten zituzten karrerak,

melokotoiek irabazten zituzten karrerak.

Orduan, estatu kolpea jo zuten tabako belarrek eta kostokrazia ezarri.

Kexu ziren perretxiko aluzinojenoek

erbestera egin zuten ihes,

fantasia guztiak bideak utziz,

arrastaka.

Aralarko ardiak aspermenez ito ziren berehala

neguko elurretan.

Eta San Migelen kateak harturik

zerua eskalatu zuten eguzkiari kuleroak garbitu
eta gauzak lehenera itzultzeko.

Eguzkiak ez du dutxarik hartu harrezkero